توه اتصل علي حبيبي ويعاتبني زعلان ويقول ليه ماتتصل فيني
استحيت منه و حسيته أحرجني وقلت له هالأيام مشغول ياعيني
و عندي بعد اختبارات وسامحني و يادوب الوقت بالقوه يكفيني
قدر ظروفي وأرجوك اعذرني والله عالبال وبدمّي و شراييني
أنا مقصر معاك و لا تزعل مني ودي أجيك لكن مو بايديني
وكان نفسي أصرخ ويسمعني وأقوله وحشتني و بعدك مشقيني
و أقول مشتاقلك و بعدك ذبحني و أبي صدرك يضمني ويدفيني
بس ماقلت له غير بعدين كلمني لأن صاحبي كان قاعد على يميني
ومن يوم قفّل السماعه عني وأنا ضايع والله ما أدري ويني
نغمات صوته في أذني تغني صوته ذوبني دوخني زود حنيني
ياخوفي يكون زعل وبيخاصمني والا أخذ بخاطره وزعل ومايبيني
لا لا حبيبي وماخاب فيه ظني مايزعل وأكيد بيتصل و يجيني
كلمات
د. أديب بازهير