admin
...::|مدير العام|::...
البلد : 
الجنس :   الْمَشِارَكِات: : 1818
 الْنِّقَاط : 306016
 السٌّمعَة : 2
 | | موضوع: اصعب سوال الخميس أغسطس 26, 2010 6:30 am | |
| صعب سؤال اللي جوابه للأسف مثله سؤال ...
ماهو تفلسف !! الا موقف صار واسمع "ثاني بيت" !
البارحه يومه سأل : (وش ذكرك ذيك الليال) ...
كان الجواب بكل بساطه : (من متى اصلا نسيت؟)"!
ادري بإن جمع (الصعوبه والبساطه) شي محال ...
لكنها صارت كذا !! واللي (( اهم )) انّي دريت "!
ان الحياه فبعد احبابك اذا جف الوصال ....
إتعيشها لو تقتنع انك خلااص اصبحت (ميت) "!!
ياصاحبي لو كل شي يمر بالخاطر يقال ....
ماكانت العبره تولجني اليا منك طريت "؟!
شفني قدرت احبس دموعي بس (دمع القاف) سال ...
وياكبرها ساكت ولكن داخل اوراقي بكيت "!!
عمر الحكي ماكان دافي لا ابتدى بقولة تعاااال ...
لجل اتجاهل رجفة حروفي اليا مني حكيت "!!
الحال في بعدك قسم بالله ما اسميه حاال ....
وانوي على الضحكه واحس كلي خطا لا نويت "!!
اتّصور انك من رحلت .. اشوفك لجسمي ظلال ....
لا شفته امشي ببتعد واثره معي مهما مشيت "!!
مدام يعني في بحرك لفرحتي مليون جال ....
وش فيه موجك ماركد ؟ قربت اموووت ومارسيت "!!
يرضيك ماعادت معي تفرق اذا جالك مجال .....
لاني اقتنعت انك نهايه .. واني ببطي مابديت !!
صرت (اعقد حجاجي) اذا جابوك بأطراف الجدال ....
وانا قبل لاقالوا اسمك كنّي : ميت ثم حييت "!!
تعبت اعيش الدور وافتح للمعاذير الخياال .....
واتخيل اني جيت في بالك وانك استحييت "!!
وتردلي كلك ((وله)) وتقول كن البعاد طال؟ ...
ومن الفرح ما اعاتبك واقول: (ياخي مابغيت)"!!
حتى وانا اتخيل حشمتك !! لن قلبي لايزال ...
يكرر اسمك داخل اعماقي نبضه ولا سهيت "
قلي ش سوي فيك ؟ وانت بداخلي اصدق مثال ...
للحب و احساس القصيد ان عانق الليل وسريت "!!
ربي يصبرني على الفرقا مدام الحظ مال ...
وانت بيجيلك يوم تعرف ليه في بعدك شكيت "!
واذا بلاك الله وعذبك اشتياقك (( بس تعال )) ...
واقرى القصايد في غيابك كلبوها بيت .. بيت "!!
بتدري ان (اصعب سؤال) اللي يجي رده سؤال ...
لا قلتلي ( وش ذكرك ) ثم قلتلك ( متى نسيت )"؟! . |
|
جرح بملامح انسان
عضو ملكي
الجنس : الْمَشِارَكِات: : 569
الْنِّقَاط : 574
السٌّمعَة : 0
| | موضوع: رد: اصعب سوال الخميس أغسطس 26, 2010 7:05 am | |
| |
|
