السلام عليكم و رحمة الله و بركاته ،،،،
هي أبيات جميلة مصاغة باللهجة الخليجية الخجولة و الجميلة
تحمل بين دفاتها أشجان و أحزان ،،،،
لست أنا الذي نظمها لأنني لا أتقن اللهجة الخليجية جيدا ،،،
لكنها أبيات أعجبتني فأحببت نقلها لكم ،،،،
اقرؤوا معي ما قاله صاحب السجع الجميل في لحظة حزن
عندما أصيب بوعكة فجائية ألمت به ،،،،
ما عاد لي رغبه على نظم الاشعـار
......ملّيـت منهـا والهواجيـس ملّـت
عيّيت اخط الشعر لوعـات وافكـار
......وهْموم في صدر العنـا كـم تسلّـت
وشلون ابكتب والقلم يرسـل اعـذار
......حتى المشاعر عن خفوقـي تخلّـت
يا وجد حالي والامانـي علـى نـار
......لا دلّهـا دربـي ولا هـي استدلّـت
مثل الغريب اللي فقد شوفـة الـدار
......جات التعاسه في عيونـه و صلّـت
لو كنت عالم م/القدر بعض الاسـرار
......ما كانت عيوني على الامـس هلّـت
البارحه دقّـت نواقيـس الاخطـار
......واحلام عمري عن طريقي استقلّـت
قالت: وداع .. وقلت: لا غيره اختار
......وشلون اوادع روح بالـروح حلّـت
قالت: احبـك لكـن الوقـت غـدّار
......كل الظـروف القاسيـه قـد تجلّـت
قلت: اسمعيني زين لو صار ما صار
......لا تتركيـن احلامنـا لـو تغـلّـت
قالت : نهايتنا علـى شـفّ الاقـدار
......قلت: الله اكبر وش بلا العيـن بلّـت
سود الهدب واتحجّبت عني الانظـار
......راحت وبين ايدينها الـروح شلّـت
يا وقت خذني فـي حنايـاك تذكـار
......لا والله خذنـي نجمـة ٍ مـا تعلّـت
دام النهايـه منّهـا القلـب منهـار
......يا ويح نفس بْ فيّها مـا استظلّـت
ليت الزمان اللي على الود ما سـار
......وليت القلوب النابضه ( حب ).. ظلّت
لا الوقت يرحـم لا ولا الفـرْح زوّار
......ولا القلب يسلاها والاشـواق قلّـت
مشهد فراق يعيـد نفسـه بتكـرار
......حتى معالم صورتـي .. اضمحلّـت
وآخر قصيده جاتك بآخـر اصـدار
......من بعدها نفسي من الشعـر ملّـت
الْمَشِارَكِات:
الْنِّقَاط
السٌّمعَة 
